ველედა იკვლევს ცოდნით და ენთუზიაზმით

ველედას ბუნებრივი კოსმეტიკა შექმნილია ჩვენი სილამაზის, ჯანმრთელობისა და ზოგადად კეთილდღეობის შესანარჩუნებლად. ხელის კრემი თუ ტანის ლოსიონი, სხეულის ზეთი თუ კბილის ჟელე, ისინი ზრუნავენ არა მხოლოდ სხეულზე, არამედ სამშვინველსა და სულზე. მისი თითოეული პროდუქტი შექმნილია ადამიანმცოდნეობის, მრავალწლიანი სამეცნიერო და დერმატოლოგიური გამოცდილების საფუძველზე. კანის ინდივიდუალური საჭიროებების გასათვალისწინებლად, ველედას ექსპერტები ასევე იკვლევენ მათ გამომწვევ მიზეზებს. ბუნებისა და ადამიანების შესახებ ანთროპოსოფიის ხედვით შთაგონებული, ველედა პოულობს პრობლემის გადაჭრის გზებს და იყენებს ბუნებრივ სასარგებლო ნივთიერებებს ეფექტური რეცეპტურის შესაქმნელად. ველედას ყველა კოსმეტიკურ პროდუქტში შეგიძლიათ აღმოაჩინოთ განსაკუთრებული ხარისხი, რომელიც კანის მოთხოვნაზე ბევრად უფრო შორს მიდის.

ვინაიდან არ არსებობდა ბუნებრივი და ორგანული კოსმეტიკური პროდუქტების ოფიციალური განმარტება, 2008 წელს ველედამ  პარტნიორებთან ერთად დანერგა ხარისხის ბეჭედი: NATRUE. ის დიდ მნიშვნელობას ანიჭებს გამჭვირვალე კრიტერიუმებს, რომელთა  გაგება ყველას შეუძლია. და ამიტომ მისი ყველა კოსმეტიკური პროდუქტი, კბილის გელიდან ფეხის ბალზამამდე, გამონაკლისის გარეშე, სერტიფიცირებულია დამოუკიდებელი ექსპერტების მიერ NATRUE-ს მკაცრი სტანდარტების შესაბამისად. ველედა ყოველთვის სცილდება მოთხოვნის ჩარჩოებს, როდესაც საქმე ხარისხს ეხება. ეს მას ამკვიდრებს ბუნებრივი კოსმეტიკის ერთ-ერთ ყველაზე უკომპრომისო მწარმოებლად.

ველედა დაარსებიდან  იყენებს ეთერზეთებს, როგორც აქტიურ ინგრედიენტებს თავის ბუნებრივ კოსმეტიკასა და წამლებში, მაგ. მასტიმულირებელ როზმარინს ან დამამშვიდებელ ლავანდულას. წლებია ველედა იყენებს არომათერაპიისგან მიღებულ ცოდნას საკუთარი სურნელის შესაქმნელად. სურნელოვანი კომპოზიციების შემუშავებისას ველედას პარფიუმერები შთაგონებას იღებენ ბუნებიდან და აყვავებული მცენარეების, წიწვოვანი და ფოთლოვანი ხეების მდიდარი არომატიდან. ეთერზეთები ოსტატურად ისეა შეზავებული , რომ მცენარეების სუფთა სურნელმა აღძრას გრძნობები.

ეფექტურობა, უსაფრთხოება და ხარისხი - ეს არის ველედას ფარმაცევტული კვლევის ქვაკუთხედი. ის არის თანამედროვე ფარმაცევტული კომპანია ხანგრძლივი ისტორიით. მისმა ბევრმა წამალმა დაამტკიცა მათი ღირებულება მრავალი წლის განმავლობაში. წამლების ეფექტურობის შესახებ კიდევ უფრო მეტი ცოდნის მისაღებად, ველედა აგროვებს კლინიკურ მონაცემებს და მონაწილეობს უნივერსიტეტის კვლევით პროექტებში. ის ასევე ატარებს საკუთარ პრეკლინიკურ და კლინიკურ კვლევებს, რათა შემდგომ განავითაროს  არსებული წამლები და შეიმუშავოს ახლები სამომავლოდ.

1921 წლიდან, ველედა აწარმოებს სამკურნალო პროდუქტების ფართო სპექტრს. დღეს ის ძირითადად ორიენტირებულია სამეცნიერო კვლევების ჩატარებაზე არსებული პრეპარატების ეფექტურობის დადასტურებისა და ახალი პროდუქტების შექმნის მიზნით. ველედას კვლევა დაფუძნებულია ტრადიციული მცენარეული და ანთროპოსოფიული მედიცინის შესახებ  ცოდნისა და თანამედროვე სამეცნიერო კვლევის მეთოდების კომბინაციაზე.

300-მდე კლინიკური კვლევა გამოქვეყნდა ანთროპოსოფიულ წამლებზე. არსებობს ძალიან კარგი მტკიცებულება გარკვეული მედიკამენტების ეფექტურობის შესახებ, როგორიცაა გენციდოს სპრეი (Gencydo) ლიმონით და კომშით. ერთ-ერთი განსაკუთრებით დამაჯერებელი მაგალითია IIPCOS კვლევა (International Primary Care Outcomes Study), რომელიც ადარებს მწვავე რესპირატორული და ყურის ინფექციების ტრადიციულ და ანთროპოსოფიულ მკურნალობას მოზრდილებში და ბავშვებში. შედეგები აჩვენებს, რომ ანთროპოსოფიული მიდგომის მქონე ექიმები იშვიათად უნიშნავენ ანტიბიოტიკებს იმ ექიმებთან შედარებით, რომლებიც ჩვეულებრივ მკურნალობენ თავიანთ პაციენტებს. მიუხედავად ამისა, პაციენტები, რომლებიც იღებდნენ ანთროპოსოფიულ მკურნალობას, უფრო სწრაფად გათავისუფლდნენ ჩივილებისა და სიმპტომებისგან და, მთლიანობაში, უფრო კმაყოფილნი იყვნენ თერაპიით.