რა არის ანთროპოსოფიული მედიცინა

ანთროპოსოფიული მედიცინა არის ინტეგრირებული მედიცინა, რომელიც ფოკუსირებულია პაციენტის ჰოლისტიკურ საჭიროებებზე. იგი ემყარება მედიცინის ორ სკოლას: ერთის მხრივ, მეცნიერულ, ტრადიციულ მედიცინას თავისი მეთოდებითა და შედეგებით და მეორე მხრივ, ანთროპოსოფიის სულიერ მეცნიერულ ცოდნას. ეს ორი მიდგომა ერთმანეთს ავსებს. ადამიანი არა მხოლოდ ფიზიკური სხეულია, არამედ აქვს სამშვინველი და არის ინდივიდუალური პიროვნება. განკურნება განიხილება, როგორც არა მხოლოდ სიმპტომებთან ბრძოლა, არამედ პაციენტების ინდივიდუალური, ჰოლისტიკური გზით მხარდაჭერა, რათა გახდენ ჯანმრთელები. ველედას წამლები შექმნილია ისე, რომ გააძლიერონ  ორგანიზმის თვითგანკურნების უნარი.

ბუნებას აქვს განკურნების ძლიერი ძალა. ჩვენ შეგვიძლიათ ვიპოვოთ ეს ძალა არა მხოლოდ სამკურნალო მცენარეებში, არამედ საკუთარ თავშიც. სწორედ ამაში გვეხმარებიან ველედას წამლები. ისინი შექმნილია არა მხოლოდ დაავადების სიმპტომების აღმოსაფხვრელად აქტიური ბუნებრივი ინგრედიენტების გამოყენებით, არამედ იმისთვის რომ შეახსენონ ჩვენს ორგანიზმს თვითგანკურნების ბუნებრივი ძალების შესახებ და გაააქტიურონ ისინი. ველედას წამლების ხარისხი და ეფექტურობა არა მხოლოდ მაღალი ხარისხის ბუნებრივი ნედლეულის და სპეციალური რეცეპტურის შედეგია, არამედ  წარმოების მეთოდებისაც, რომელთაგან ზოგიერთი უნიკალურია და მათ ექსკლუზიურად იყენებს ველედა.

ველედამ შეიმუშავა წარმოების უნიკალური მეთოდები, რათა გამოიყენოს ბუნების ძალა.

ველედამ შეიმუშავა  პოტენცირების საკუთარი ტექნიკა, რომელიც ეფუძნება კლასიკურ მეთოდს ჰანემანის მიხედვით. იგი ხორციელდება სპეციალურ საპოტენცირო ოთახებში, რომლებიც იძლევა მშვიდი, შეუფერხებელი ფარმაცევტული მუშაობის საშუალებას. სითხეების სხვადასხვა პოტენცია მიიღება სპეციალურად გადამზადებული თანამშრომლების მიერ, მოცემული განზავების ხელით რიტმული რხევით. ყოველი პოტენცია ადამიანის უშუალო ჩართულობით მიიღება. პოტენცირება მოითხოვს უნარს, კონცენტრაციას, შინაგან სიმშვიდეს და გამოცდილებას. ბევრი კლასიკური ჰომეოპათიური საშუალებისგან განსხვავებით, ველედას წამლები ზოგადად მხოლოდ რამდენიმე - დაბალ- საფეხურზეა პოტენცირებული და შესაბამისად, შეიცავს აქტიური ნივთიერებების ანალიტიკურად გამოვლენად კონცენტრაციებს.

აბრევიატურა Rh, რომელიც გვხვდება ველედას ზოგიერთი წამლის ეტიკეტზე, ნიშნავს "რითმს". ეს ფარმაცევტული Rh პროცესი - რომელსაც მხოლოდ ველედა ახორციელებს - გამოიყენება ნედლი მცენარისგან სპეციალური წყალიანი (უალკოჰოლო) პრეპარატების დასამზადებლად. დილაობით, მცენარეებიდან გამოწურულ წვენს არაერთხელ ათბობენ 37 °C-მდე და რიტმულად ურევენ სპეციალურ დანადგარში. ხოლო საღამოს აცივებენ 4 °C-მდე და ისევ რიტმულად ურევენ. გარკვეული რიტმის მიხედვით ცვლიან ასევე პრეპარატზე სინათლის ზემოქმედებას. მიღებული ფერმენტირებული პრეპარატები არ საჭიროებენ დამატებით კონსერვანტებს. ველედას მიერ გამოყენებული Rh პროცესი ამჟამად ინტეგრირებულია ევროპულ ფარმაკოპეაში (Ph. Eur.).