მგრძნობიარე კანის ხელის კრემი

წყალი არის წყლიანი ფაზის ფუძე და გამხსნელი ჰიდროფილური (წყლის მოყვარე) ნივთიერებებისათვის

ჟოჟობას თესლის ზეთი თხევადი ზეთოვანი ცვილია, რომელსაც დიდი მსავსება აქვს ადამიანის კანის დამცავ შრესთან. ის აძლიერებს კანის ბარიერის ფუნქციას, რითაც კანს ტენის დაკარგვისგან იცავს ისე, რომ მას არ აცხიმიანებს. ის ძალიან კარგად უთავსდება კანს, ადვილად შეიწოვება და ამიტომ გამოდგება ყველა ტიპის კანის მოსავლელად, განსაკუთრებით კი - მშრალი კანისთვის. აგრეთვე შეიძლება მისი ფუძე-ზეთად გამოყენება, ის არ მძაღდება.

გლიცერინი მცენარეული და ცხოველური ცხიმებისა და ზეთების შემადგენელი ბუნებრივი ინგრედიენტია, რომელიც უპირატესად ტრიგლიცერიდებს (გლიცერინისა და სამი ცხიმმჟავას ნაერთი) შეიცავს. ჰიგროსკოპული (წყლის მიმზიდველი) თვისებების გამო გლიცერინს კოსმეტიკურ პროდუქტებში დამატენიანებლის ფუნქციით იყენებენ. გარდა ამისა,. ის ხელს უწყობს O/W-ემულსიების (ზეთი/ წყალში) განაწილებას და აგლუვებს და იცავს კანს.

ქოქოსის ცხიმი კანზე დნება და შესამჩნევ გამაგრილებელ ეფექტს ტოვებს. ის კანზე დამცავ აპკს ქმნის, რომელიც კანს ტენს უნარჩუნებს და ამიტომ განსაკუთრებით განკუთვნილია მშრალი და მგრძნობიარე კანის მოსავლელად. ქოქოსის ცხიმის დამახასიათებელი არომატი არაპარფიუმირებულ პროდუქტებსაც სასიამოვნო სურნელს ანიჭებს.

ბეჰენილის სპირტი ცხიმოვანი სპირტია, რომელიც თმის მოვლისთვის განკუთვნილ პროდუქტებში ტენის შენახვას ემსახურება. გარდა ამისა, ცხიმოვანი სპირტი ემულსიებს სტაბილურობას ანიჭებს.

ტაპიოკა სახამებელია, რომელსაც მანიჰოტის ფესვიდან იღებენ. ეს არის თეთრი ფერის ფხვნილი, რომელსაც კოსმეტიკურ პროდუქტებში კონსისტენციის გასაუმჯობესებლად იყენებენ.

მცენარეული წარმოშობის ეს ინგრედიენტი ატენიანებს კანს და ხელს უწყობს ემულსიების სტაბილურობას.

სკვალანი კანის დამცავი ფენის შემადგენელი კომპონენტია. მცენარეული წარმოშობის სკვალანი კარგად ინტეგრირდება კანის დამცავ შრეში და ამით კანის დამცავ ფუნქციას აძლიერებს. მისი ზემოქმედებით კანი რბილი და აბრეშუმივით ნაზი ხდება.

ბეტაინი არის ამინომჟავას წარმოებული და ის თმის ბუნებრივი კომპონენტია. კოსმეტიკურ პროდუქტებში ბეტაინს დამატენიანენელი ფუნქცია აქვს, რადგან მას შთანთქმული ტენის გამოთავისუფლება შეუძლია. ბეტაინი მიღებულია მელასადან.

სტეარინის მჟავა სორბიტოლის ეთერს აქვს ემულგატორის ეფექტი. მზადდება მცენარეული ზეთებისა და მცენარეული სახამებლისგან.

ცელულოზის პუდრი მიიღება ხის მერქნისგან და აქვს წყალში გაჯირჯვების უნარი. გამოიყენება ემულსიების სტაბილიზებისთვის.

კიტრისუნას თესლის ღია ყვითელი-ოქროსფერი ზეთი (Borage Seed Oil) დიდი რაოდენობით შეიცავს გამა-ლინოლენმჟავასა და ლინოლმჟავას. კიტრისუნას თესლის ზეთი ადვილად შეიწოვება კანის ჰიდროლიპიდურ შრეში, რაც მის დამცავ ფუნქციას აძლიერებს და კანს მოქნილობას უნარჩუნებს. ამიტომ ეს ზეთი განსაკუთრებით სასარგებლოა მგრძნობიარე და მშრალი კანისთვის.

ტრეჰალოზა შაქარია, რომელიც მიიღება კასავის ფესვიდან. ამ დისაქარიდს შეუძლია წყლის შენახვა და გამოყოფა. ტრეჰალოზა გამოიყენება როგორც დამატენიანებელი კოსმეტიკურ პროდუქტებში.

რძემჟავა კანის დამცავი მჟავური გარსის შემადგენელი ნაწილია. ამ ნედლეულ მასალას ემულსიებში pH-სიდიდის დასარეგულირებლად იყენებენ.

ქსანთანი მაღალი მოლეკულური მასის მქონე პოლისაქარიდი, რომელსაც იყენებენ, როგორც ჟელეს წარმომქმნელ ბუნებრივ სუბსტანციას, ემულსიის სტაბილიზატორს, შემკვრელსა და სიბლანტის რეგულატორს.

გლიცერილ კაპრილატი კოემულგატორია, რომელსაც სხვადასხვა მცენარეული ზეთებიდან იღებენ და უპირატესად O/W-ემულსიების (ზეთი /წყალში) სტაბილიზებისთვის იყენებენ. გლიცერილ კაპრილატი კანის ბუნებრივ ცხიმებს აღადგენს, არეგულირებს კანის ტენიანობას და დამატენიანებლად მოქმედებს.

შაქრის ეს ესტერი გამოიყენება როგორც ემულგატორი. გარდა ამისა ის აუმჯობესებს კანის სიგლუვეს. დამზადებულია მცენარეული ზეთებისა და შაქრისგან.