კალენდულას კბილის პასტა

მოყვავილე კალენდულას მიწისზედა ნაწილის ექსტრაქტს მოყვითალო-მწვანე ან მოყავისფრო-მწვანე შეფერილობა აქვს. ის სხვადასხვა კაროტინოიდებს, ფლავონოიდებსა და საპონინებს შეიცავს. კალენდულას ექსტრაქტს აქვს დამამშვიდებელი მოქმედება და ხელს უწყობს კანის რეგენერაციას.

წყალი არის წყლიანი ფაზის ფუძე და გამხსნელი ჰიდროფილური (წყლის მოყვარე) ნივთიერებებისათვის

კალციუმის კარბონატი (ცარცი) კბილების მოვლისთვის განკუთვნილ პროდუქტებში მინერალური აბრაზიული (გასახეხი) ნივთიერების სახით გამოიყენება. კალცუმის კარბონატის დახმარებით შესაძლებელია კბილების ფრთხილად და საფუძვლიანად გახეხვა.

გლიცერინი მცენარეული და ცხოველური ცხიმებისა და ზეთების შემადგენელი ბუნებრივი ინგრედიენტია, რომელიც უპირატესად ტრიგლიცერიდებს (გლიცერინისა და სამი ცხიმმჟავას ნაერთი) შეიცავს. ჰიგროსკოპული (წყლის მიმზიდველი) თვისებების გამო გლიცერინს კოსმეტიკურ პროდუქტებში დამატენიანებლის ფუნქციით იყენებენ. გარდა ამისა,. ის ხელს უწყობს O/W-ემულსიების (ზეთი/ წყალში) განაწილებას და აგლუვებს და იცავს კანს.

მაგნიუმალუმინსილიკატი დერმატოლოგიურად შეთავსებადი მინერალური შემავსებელი და სტაბილიზატორია ემულსიებისთვის, კრემების, კბილის პასტების, გელებისა და ფხვნილებისთვის. ის მინდვრის შპატების გამოფიტვის პროდუქტს წარმოადგენს, რომლებიც დედამიწის ქერქის ყველაზე მნიშვნელოვან ქანწარმომქმნელ მინერალებად ითვლება.

მოყვავილე კალენდულას მიწისზედა ნაწილის ექსტრაქტს მოყვითალო-მწვანე ან მოყავისფრო-მწვანე შეფერილობა აქვს. ის სხვადასხვა კაროტინოიდებს, ფლავონოიდებსა და საპონინებს შეიცავს. კალენდულას ექსტრაქტს აქვს დამამშვიდებელი მოქმედება და ხელს უწყობს კანის რეგენერაციას.

"ალკოჰოლი" არის ეთანოლის ან ეთილის სპირტის კიდევ ერთი სახელწოდება. ზოგიერთი მცენარეული ექსტრაქტი, რომელიც წარმოადგენს ველედას პროდუქციის ინგრედიენტს, მიიღება სპირტწყლიანი ნარევით. გარდა ამისა, ალკოჰოლი აუმჯობესებს ველედას ბუნებრივი კოსმეტიკური პროდუქტების კონსისტენციას და სტაბილურობას. ველედას კოსმეტიკურ პროდუქტებში არსებული ეთერზეთები ან ემულგატორები ალკოჰოლს უვარგისს ხდის მოხმარებისთვის.

მუქი ყვითელი ან მოწითალო შეფერილობის მქონე მურის ფისის მნიშვნელოვან ინგრედიენტებს ეთერზეთები წარმოადგენს. მურის ექტრაქტებს აქვს შემკვრელი და მატონიზირებელი მოქმედება. ამიტომ მათ იყენებენ როგორც პირის ღრუს მოვლისთვის განკუთვნილ პროდუქტებში, ისე დაღლილი და უსიცოცხლო კანის მოსავლელად.

ქსანთანი მაღალი მოლეკულური მასის მქონე პოლისაქარიდი, რომელსაც იყენებენ, როგორც ჟელეს წარმომქმნელ ბუნებრივ სუბსტანციას, ემულსიის სტაბილიზატორს, შემკვრელსა და სიბლანტის რეგულატორს.

გლიცირიზინის მჟავა მიიღება ძირტკბილას ფესვიდან და ლაკრიცის არომატის მიმცემ სუბსტანციას წარმოადგენს. მისი ამონიუმის მარილი კი კოსმეტიკურ პროდუქტებში კანის მოსავლელად და მის დასარბილებლად გამოიყენება.

გემო-არომატი არის ნედლეულის კოლექტიური სახელი, რომელიც გამოიყენება პერორალური და სტომატოლოგიური მოვლის პროდუქტებში გემოს (არომატი) მისაცემად. ამ პროდუქტებისათვის Weleda ყოველთვის იყენებს ბუნებრივი ეთერზეთების ნარევს - სინთეზური სუნის და გემოს მიმცემი ნივთიერებები არ გამოიყენება.

ლიმონენი შედის 26 არომატიზატორის ჩამონათვალში, რომლის აღნიშვნა INCI-დეკლარაციაში სავალდებულოა 2005 წლიდან ევროკავშირის კანონის მიხედვით, რაც მიზნად ისახავს არომატიზატორებზე ალერგიის მქონე პირთა დაცვას, თუ პროდუქტში მათი რაოდენობა პოტენციურად აქტუალურია ალერგიის მქონე პირთათვის. ლიმონენი სხვადასხვა ეთერზეთის შემადგენელი ნაწილია, რომლებიც კოსმეტიკური პროდუქტების სურნელის გასაუმჯობესებლად გამოიყენება.